有冇人知甩頭髮可以點醫?

有頭髮邊個想做癩???有邊個唔想到幾十歲都有一頭又多又黑既頭髮?但係因為遺傳、生活習慣、飲食等等好多習慣影響,搞到好多人好後生就有甩頭髮既問題。我廿幾歲個陣因為工作壓力太大,而且份工又要成日考試同進修,所以成個人每日都精神緊張,可能就係咁,就搞到有脫髮既問題。


成日聽人講脫髮就食多啲黑芝麻、何首烏,都唔知呢啲係咪真係有科學實證,屋企人同朋友又叫我試嚇食藥,的確,我都聽到有好多脫髮人士會食藥好得返,但食得多又唔知有冇副作用,而且好多人都話,一停藥既話,啲頭髮都會再甩返,所以食藥都未必係一個醫脫髮既好方法。


近排有人講咖啡因洗頭水,話咖啡色可以深入頭皮,刺激毛囊生長,真係唔知真定假,睇落就好似一般防脫髮產品同洗頭水咁,如果用幾次呢啲咖啡因洗頭水就可以生返頭髮,係咪就會冇咁多人有脫髮煩惱?


又有好多人講,用啲咩生髮精華素,好似電視成日賣廣告個款,好多女明星都話用完生返好多黑頭髮,仲甩少咗頭髮添,唔知男人又啱唔啱用呢?每日係個頭皮到搽一、兩次呢啲生髮精華,就可以令毛囊更加有營養,頭髮生得更加強韌。不過我又擔心呢啲生髮精華會搞到個頭皮好笠,所以最後都冇買到嚟用。


另外仲有好多咩生髮補健產品,話食咗之後就可以醫好甩頭髮,不過見到好多都話用咗中藥成分,其實咪又係何首烏、當歸之類既藥材,咁係咪又要一路食先有用呢?如果唔食又會甩返頭髮嗎?


最後,要醫脫髮點可以唔提植髮?植髮的確係公認有效既生髮方法,但亦都係手術既一種,要切開個頭皮拎啲毛囊出嚟,再植入返脫髮既部位,睇相就覺得個過程好血淋淋,而且冇返三五七個月都唔會見到有生頭髮既效果。加上有人話植髮一樣都會失敗,唔係100%成功,萬一失敗,就有機會發炎,好恐佈!最重要既係,植髮既價錢一啲都唔平,植一次起碼要幾萬蚊,冇返咁上下「彈藥」都試唔過。


究竟甩頭髮點醫好?有冇人試過生頭髮方法係Work既?不如大家一齊分享下~


火幣網,火幣,

支付寶轉賬贊助

支付寶掃一掃贊助

微信轉賬贊助

微信掃一掃贊助